shikast-e-zarf se khoen na hum bharam apna

shikast-e-zarf se kho.eñ na ham bharam apnā

sharāb pī ke na bahke kabhī qadam apnā

ye jānte haiñ ki me.arāj-e-zindagī kyā hai

vafā kī raah meñ karte haiñ sar qalam apnā

ham apne dil ko maqām-e-ḳhudā samajhte haiñ

yahī hai der ab apnā yahī haram apnā

ye bal jabīn-e-qazā-o-qadar pe kyuuñ āḳhir

banā rahe haiñ muqaddar jo aaj ham apnā

bahut ḳhulūs 'munavvar' ke dil meñ paatā huuñ

'ajīb shaḳhs hai ye dost mohtaram apnā

shikast-e-zarf se khoen na hum bharam apna

sharab pi ke na bahke kabhi qadam apna

ye jaante hain ki mearaj-e-zindagi kya hai

wafa ki rah mein karte hain sar qalam apna

hum apne dil ko maqam-e-KHuda samajhte hain

yahi hai der ab apna yahi haram apna

ye bal jabin-e-qaza-o-qadar pe kyun aaKHir

bana rahe hain muqaddar jo aaj hum apna

bahut KHulus 'munawwar' ke dil mein pata hun

'ajib shaKHs hai ye dost mohtaram apna