shikwa-e-dil nahin karenge hum

shikva-e-dil nahīñ kareñge ham

zard mausam meñ khil uTheñge ham

apnī vāraftagī na jā.egī

tum se ik roz aa mileñge ham

guhar-āsār ābgīnoñ ko

gaahe hasrat se dekh leñge ham

ḳhvāb-dar-ḳhvāb kuchh charāġhoñ meñ

raushnī DhūñDte raheñge ham

oḌh lenī hai phir ridā-e-sukūt

chīḳh chillā ke thak chukeñge ham

baat kyūñkar samajh na aa.egī

is tayaqqun se gar kaheñge ham

ik nazar aur dekh lo ham ko

yuuñ dubāra nahīñ sajeñge ham

shikwa-e-dil nahin karenge hum

zard mausam mein khil uThenge hum

apni waraftagi na jaegi

tum se ek roz aa milenge hum

guhar-asar aabginon ko

gahe hasrat se dekh lenge hum

KHwab-dar-KHwab kuchh charaghon mein

raushni DhunDte rahenge hum

oDh leni hai phir rida-e-sukut

chiKH chilla ke thak chukenge hum

baat kyunkar samajh na aaegi

is tayaqqun se gar kahenge hum

ek nazar aur dekh lo hum ko

yun dubara nahin sajenge hum