shikwa-e-gham ka asar yaad aaya

shikva-e-ġham kā asar yaad aayā

husn-e-mahjūb-e-nazar yaad aayā

ashk-e-ḳhūnāb-asar yaad aayā

laḳht-e-dil laḳht-e-jigar yaad aayā

paañv kā hosh na sar yaad aayā

terā kūcha tirā dar yaad aayā

hamdam-e-rāh safar yaad aayā

sāya-e-barg-e-shajar yaad aayā

jab bhī dekhī hai badaltī duniyā

un kā andāz-e-nazar yaad aayā

hichkiyāñ phir lagīñ aane ruk kar

phir koī bār-e-digar yaad aayā

qasr-e-shāhī meñ sukūñ kyā miltā

apnā ujḌā huā ghar yaad aayā

ham ne khaa.ī thī jahāñ par Thokar

phir vahī rāhguzar yaad aayā

ruḳh kī saugand hai zulfoñ kī qasam

tū mujhe shām-o-sahar yaad aayā

haram-o-dair kā chakkar chhoḌā

ham ko jab aap kā dar yaad aayā

kyoñ 'mubārak' na ho manzil āsāñ

ham-safar vaqt-e-safar yaad aayā

shikwa-e-gham ka asar yaad aaya

husn-e-mahjub-e-nazar yaad aaya

ashk-e-KHunab-asar yaad aaya

laKHt-e-dil laKHt-e-jigar yaad aaya

panw ka hosh na sar yaad aaya

tera kucha tera dar yaad aaya

hamdam-e-rah safar yaad aaya

saya-e-barg-e-shajar yaad aaya

jab bhi dekhi hai badalti duniya

un ka andaz-e-nazar yaad aaya

hichkiyan phir lagin aane ruk kar

phir koi bar-e-digar yaad aaya

qasr-e-shahi mein sukun kya milta

apna ujDa hua ghar yaad aaya

hum ne khai thi jahan par Thokar

phir wahi rahguzar yaad aaya

ruKH ki saugand hai zulfon ki qasam

tu mujhe sham-o-sahar yaad aaya

haram-o-dair ka chakkar chhoDa

hum ko jab aap ka dar yaad aaya

kyon 'mubarak' na ho manzil aasan

ham-safar waqt-e-safar yaad aaya