shikwa-ha-e-gham-e-jahan se bachen

shikva-hā-e-ġham-e-jahāñ se bacheñ

aa ki ham sa.ī-e-rā.igāñ se bacheñ

aa ki samjheñ zamīñ kī ḳhush-sababī

be-sabab ḳhauf-e-āsmāñ se bacheñ

chhīn le jo yaqīn kī taufīq

lāziman aise har gumāñ se bacheñ

saal bhar dil lagā.eñ paḌhne meñ

raat din fikr-e-imtihāñ se bacheñ

jo bilā tabsira paḌhī jaa.e

ishq kī aisī dāstāñ se bacheñ

shikwa-ha-e-gham-e-jahan se bachen

aa ki hum sai-e-raigan se bachen

aa ki samjhen zamin ki KHush-sababi

be-sabab KHauf-e-asman se bachen

chhin le jo yaqin ki taufiq

laziman aise har guman se bachen

sal bhar dil lagaen paDhne mein

raat din fikr-e-imtihan se bachen

jo bila tabsira paDhi jae

ishq ki aisi dastan se bachen