shikwa hai na ghussa hai ki main kuchh nahin kahta

shikvā hai na ġhussa hai ki maiñ kuchh nahīñ kahtā

kyuuñ aap ko dhaḌkā hai ki maiñ kuchh nahīñ kahtā

chup rahne do dam-bhar mujhe lillāh na chheḌo

ab is se tumheñ kyā hai ki maiñ kuchh nahīñ kahtā

is lutf-zabānī ko zarā sochiye dil meñ

ye uzr to bejā hai ki maiñ kuchh nahīñ kahtā

us lutf-e-zabānī ko zarā sochiye dil meñ

ye uzr to bejā hai ki maiñ kuchh nahīñ kahtā

muñh merā na khulvāo ki ho jā.eñge lab band

dekho yahī achchhā hai ki maiñ kuchh nahīñ kahtā

Dartā nahīñ jo dil meñ ho dushman ke lagā.e

un par ye huvaidā hai ki maiñ kuchh nahīñ kahtā

kyuuñ rukte ho aadat se huuñ majbūr vagarna

kuchh aap se pardā hai ki maiñ kuchh nahīñ kahtā

ab vo bhī ye samjhā ki ye samjhā merī ghāteñ

is baat se Dartā hai ki maiñ kuchh nahīñ kahtā

har roz na.e Dhañg haiñ ḳhātir ke 'nasīm' aah

kal se yahī saudā hai ki maiñ kuchh nahīñ kahtā

shikwa hai na ghussa hai ki main kuchh nahin kahta

kyun aap ko dhaDka hai ki main kuchh nahin kahta

chup rahne do dam-bhar mujhe lillah na chheDo

ab is se tumhein kya hai ki main kuchh nahin kahta

is lutf-zabani ko zara sochiye dil mein

ye uzr to beja hai ki main kuchh nahin kahta

us lutf-e-zabani ko zara sochiye dil mein

ye uzr to beja hai ki main kuchh nahin kahta

munh mera na khulwao ki ho jaenge lab band

dekho yahi achchha hai ki main kuchh nahin kahta

Darta nahin jo dil mein ho dushman ke lagae

un par ye huwaida hai ki main kuchh nahin kahta

kyun rukte ho aadat se hun majbur wagarna

kuchh aap se parda hai ki main kuchh nahin kahta

ab wo bhi ye samjha ki ye samjha meri ghaten

is baat se Darta hai ki main kuchh nahin kahta

har roz nae Dhang hain KHatir ke 'nasim' aah

kal se yahi sauda hai ki main kuchh nahin kahta