sab yar the hamrah magar yar nahin the

sab yaar the hamrāh magar yaar nahīñ the

ham misl-e-zamāna kabhī hushyār nahīñ the

har baar tujhe DhūñDne aa.e haiñ yahāñ tak

lekin mirī jaañ tum yahāñ har baar nahīñ the

us kī hī mohabbat meñ gire dost ki jis se

ham baat talak karne ko tayyār nahīñ the

ai shaiḳh na kahnā ki maza mai meñ nahīñ hai

mai-ḳhāne meñ ik tum the jo bedār nahīñ the

phir hijr kī rātoñ ne inheñ kar diyā aisā

ye log azal se hī to mai-ḳhvār nahīñ the

sab yar the hamrah magar yar nahin the

hum misl-e-zamana kabhi hushyar nahin the

har bar tujhe DhunDne aae hain yahan tak

lekin meri jaan tum yahan har bar nahin the

us ki hi mohabbat mein gire dost ki jis se

hum baat talak karne ko tayyar nahin the

ai shaiKH na kahna ki maza mai mein nahin hai

mai-KHane mein ek tum the jo bedar nahin the

phir hijr ki raaton ne inhen kar diya aisa

ye log azal se hi to mai-KHwar nahin the