shitab kho gai piri jawani do din ki

shitāb kho ga.ī piirī javānī do din kī

chhupī sahar meñ shab-e-kāmrānī do din kī

kisī kī haat meñ dil de ke paañv lag (so) rahiye

ḳhushī se kyuuñ na kaTe zindagānī do din kī

ye dil ko lagte hī toḌā jo un ne so ga.e baḳht

mere nasīboñ kī rah ga.ī kahānī do din kī

use maiñ tauf ke halqa meñ ghere rakkhā thā

ajab thī us pe mirī pāsbānī do din kī

ye dāġh-e-dil liye jā.ūñgā gor meñ 'uzlat'

mohabbat us kī thī so bhī zabānī do din kī

shitab kho gai piri jawani do din ki

chhupi sahar mein shab-e-kaamrani do din ki

kisi ki hat mein dil de ke panw lag (so) rahiye

KHushi se kyun na kaTe zindagani do din ki

ye dil ko lagte hi toDa jo un ne so gae baKHt

mere nasibon ki rah gai kahani do din ki

use main tauf ke halqa mein ghere rakkha tha

ajab thi us pe meri pasbani do din ki

ye dagh-e-dil liye jaunga gor mein 'uzlat'

mohabbat us ki thi so bhi zabani do din ki