shola hai barq hai ki sharar hai hamari zat

sho'la hai barq hai ki sharar hai hamārī zaat

maañ ke liye to laḳht-e-jigar hai hamārī zaat

tum ko yaqīñ nahīñ to zamāne se pūchh lo

is shahr-e-bā-hunar meñ hunar hai hamārī zaat

duniyā ne to miTāne meñ koī kamī na kī

allāh ke karam se magar hai hamārī zaat

nikle barā-e-sair to ghuum aa.e ik jahāñ

phir lauT pher apnā hī ghar hai hamārī zaat

be-chehragī kā daur hai gum haiñ samā'ateñ

kis se kaheñ ki ā.ina-gar hai hamārī zaat

rāh-e-anā se ham kabhī haT kar na chal sake

ye aur baat gard-e-safar hai hamārī zaat

ikkīsvīñ sadī kī taraf gāmzan haiñ ham

hālāñki ab bhī ḳhāk-basar hai hamārī zaat

is ke liye samā’at-e-ehsās chāhiye

har lamha ek taaza ḳhabar hai hamārī zaat

saa.e meñ jis ke rahtī haiñ shahzādiyāñ 'atīq'

college kā vo hasīn shajar hai hamārī zaat

sho'la hai barq hai ki sharar hai hamari zat

man ke liye to laKHt-e-jigar hai hamari zat

tum ko yaqin nahin to zamane se puchh lo

is shahr-e-ba-hunar mein hunar hai hamari zat

duniya ne to miTane mein koi kami na ki

allah ke karam se magar hai hamari zat

nikle bara-e-sair to ghum aae ek jahan

phir lauT pher apna hi ghar hai hamari zat

be-chehragi ka daur hai gum hain sama'aten

kis se kahen ki aaina-gar hai hamari zat

rah-e-ana se hum kabhi haT kar na chal sake

ye aur baat gard-e-safar hai hamari zat

ikkiswin sadi ki taraf gamzan hain hum

haalanki ab bhi KHak-basar hai hamari zat

is ke liye sama’at-e-ehsas chahiye

har lamha ek taza KHabar hai hamari zat

sae mein jis ke rahti hain shahzadiyan 'atiq'

college ka wo hasin shajar hai hamari zat