shoale bhaDak rahe the ghairon ke tan-badan mein

sho.ale bhaḌak rahe the ġhairoñ ke tan-badan meñ

maiñ jaam pī rahā thā hamrāh-e-but chaman meñ

fitne chhupe hue haiñ gesū-e-pur-shikan meñ

tuġhyāniyāñ bapā haiñ āb-e-chah-e-zaqan meñ

sad-zīnat-e-vatan haiñ nañg-e-vatan vatan meñ

qismat uruuj par hai har ḳhaar kī chaman meñ

jism-e-nahīf kyā hai malbūs pairahan meñ

lāsha hai hasratoñ kā lipTā huā kafan meñ

takmīl hurriyat kī hogī na phir vatan meñ

ye hī raheñge fitne jo shaiḳh-o-barhaman meñ

sad-āfrīñ hai tujh ko sad-marhabā zuleḳhā

chhoḌā na taar koī yūsuf ke pairahan meñ

zulmat-kade meñ dil ke yuuñ dāġh-e-dil haiñ raushan

qindīl jal rahī ho jaise ki anjuman meñ

paanī se āñsuoñ ke sairāb kar rahā huuñ

ḳhushkī sī aa chalī thī kuchh ziist ke chaman meñ

rahne de chārāgar tū chāragarī ko apnī

ik kaif mil rahā hai har zaḳhm kī jalan meñ

sab mast pī rahe haiñ saaqī sharāb-e-ishrat

ik roza-dār maiñ bhī baiThā huuñ anjuman meñ

āsāñ nahīñ hai 'jauhar' kuchh fann-e-sher-goī

hotā hai ḳhuun paanī maidān-e-ilm-o-fan meñ

shoale bhaDak rahe the ghairon ke tan-badan mein

main jam pi raha tha hamrah-e-but chaman mein

fitne chhupe hue hain gesu-e-pur-shikan mein

tughyaniyan bapa hain aab-e-chah-e-zaqan mein

sad-zinat-e-watan hain nang-e-watan watan mein

qismat uruj par hai har KHar ki chaman mein

jism-e-nahif kya hai malbus pairahan mein

lasha hai hasraton ka lipTa hua kafan mein

takmil hurriyat ki hogi na phir watan mein

ye hi rahenge fitne jo shaiKH-o-barhaman mein

sad-afrin hai tujh ko sad-marhaba zuleKHa

chhoDa na tar koi yusuf ke pairahan mein

zulmat-kade mein dil ke yun dagh-e-dil hain raushan

qindil jal rahi ho jaise ki anjuman mein

pani se aansuon ke sairab kar raha hun

KHushki si aa chali thi kuchh zist ke chaman mein

rahne de chaaragar tu chaaragari ko apni

ek kaif mil raha hai har zaKHm ki jalan mein

sab mast pi rahe hain saqi sharab-e-ishrat

ek roza-dar main bhi baiTha hun anjuman mein

aasan nahin hai 'jauhar' kuchh fann-e-sher-goi

hota hai KHun pani maidan-e-ilm-o-fan mein