شوخی مچل مچل کر مستانہ کہہ رہی ہے
شوخی مچل مچل کر مستانہ کہہ رہی ہے
دیوانگیٔ وحشت دیوانہ کہہ رہی ہے
اک شمع جل رہی ہے میرے حریم دل میں
جو سوز بے خودی کا افسانہ کہہ رہی ہے
ہر رنگ میں نمایاں ہر رنگ سے بری ہو
میری نظر سے پوچھو کیا نہ کہہ رہی ہے
نرگس کی آنکھ میں ہے مے کش کا راز پنہاں
جس کو نگاہ تیری پیمانہ کہہ رہی ہے
سرمست چشم ساقی مخمور چشم ساقی
مے خانہ ازل کا افسانہ کہہ رہی ہے
لو دیکھ لو وہ آئے بادہ بہ جام آئے
خوش آمدید خاک مے خانہ کہہ رہی ہے
ساقی کی ہے دہائی ساقی کی ہے دہائی
تشنہ زبان مے کش مستانہ کہہ رہی ہے
اس نا مراد دل نے لوگوں کا کیا بگاڑا
کم بخت کو جو دنیا دیوانہ کہہ رہی ہے
جس نے فضاؔ کے دل کو مخمور کر دیا ہے
اس کا فضائے عالم افسانہ کہہ رہی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
