shor ehsas mein aisa hai ki mahshar kahiye

shor ehsās meñ aisā hai ki mahshar kahiye

har na.e shahr ko chīḳhoñ kā samundar kahiye

din kā sahrā ye siyah dhuup ke umañDe lashkar

dil ko tapte hue neze pe gul-e-tar kahiye

vo haiñ ākāsh kā manzar ka.ī rañgoñ kī tarah

band shīshoñ meñ mujhe karb kā daftar kahiye

tum sahī phir bhī to murjhā ga.e jhīloñ meñ kañval

in havāoñ ko dabī aag kī chādar kahiye

raat din barse haiñ phūloñ meñ magar pyaas rahī

kaise bādal meñ unheñ zahr kī gāgar kahiye

dard-e-be-dard hai behis haiñ hisoñ ke paikar

dil kī āvāz hai shīshoñ ko bhī patthar kahiye

fikr-o-ġham sab ke makānoñ meñ base haiñ yaksāñ

shīsh-mahloñ ko mire ghar ke barābar kahiye

vo jo aa jaa.eñ mohabbat kā ujālā ban kar

chāñd ko rañg bharī raat kā jhūmar kahiye

āsmāñ par hai ye 'asrār' zamīñ par hai kabhī

dil ko āfāq meñ uḌtā huā shahpar kahiye

shor ehsas mein aisa hai ki mahshar kahiye

har nae shahr ko chiKHon ka samundar kahiye

din ka sahra ye siyah dhup ke umanDe lashkar

dil ko tapte hue neze pe gul-e-tar kahiye

wo hain aakash ka manzar kai rangon ki tarah

band shishon mein mujhe karb ka daftar kahiye

tum sahi phir bhi to murjha gae jhilon mein kanwal

in hawaon ko dabi aag ki chadar kahiye

raat din barse hain phulon mein magar pyas rahi

kaise baadal mein unhen zahr ki gagar kahiye

dard-e-be-dard hai behis hain hison ke paikar

dil ki aawaz hai shishon ko bhi patthar kahiye

fikr-o-gham sab ke makanon mein base hain yaksan

shish-mahlon ko mere ghar ke barabar kahiye

wo jo aa jaen mohabbat ka ujala ban kar

chand ko rang bhari raat ka jhumar kahiye

aasman par hai ye 'asrar' zamin par hai kabhi

dil ko aafaq mein uDta hua shahpar kahiye