shorish-e-gham mein raat kaTi hai

shorish-e-ġham meñ raat kaaTī hai

aur tirā dard bhī izāfī hai

dil-mohalle meñ maiñ kahāñ jā.ūñ

har galī terī samt jaatī hai

qahr-o-ġhaiz-o-ġhazab kī duniyā meñ

terā milnā bhī hādsātī hai

hāl-e-dil maiñ kahūñ to kis se kahūñ

kaun duniyā meñ merā sāthī hai

ġham ke dariyā meñ bah ga.e haiñ ham

nā-ḳhudā hai na koī kashtī hai

mahfil-e-dard se uTho vā'iz

baiThne kī jagah hamārī hai

shikva-e-baḳhT kyoñ kareñ 'irsa'

kaun sā rab se zid hamārī hai

shorish-e-gham mein raat kaTi hai

aur tera dard bhi izafi hai

dil-mohalle mein main kahan jaun

har gali teri samt jati hai

qahr-o-ghaiz-o-ghazab ki duniya mein

tera milna bhi hadsati hai

haal-e-dil main kahun to kis se kahun

kaun duniya mein mera sathi hai

gham ke dariya mein bah gae hain hum

na-KHuda hai na koi kashti hai

mahfil-e-dard se uTho wa'iz

baiThne ki jagah hamari hai

shikwa-e-baKHT kyon karen 'irsa'

kaun sa rab se zid hamari hai