شورش زخم جگر تاب و تواں تک لائے

شورش زخم جگر تاب و تواں تک لائے

اس بغاوت کو ہمیں مہر دہاں تک لائے

دیکھو تو ظرف دل چاک بھی اے داد رساں

چشم پر آب کو بھی دشت تپاں تک لائے

کون واقف تھا ترے حسن کے چرچوں سے یہاں

ہم اسے شوق سے ہر خورد و کلاں تک لائے

ایک امید پہ شاید کہ وہ خوابوں میں ملے

چشم بیتاب کو ہم خواب گراں تک لائے

ہے وہ دیوانگی میں حالت خانہ بیزار

کہ اسے پھر سے قبول رگ جاں تک لائے

کون جانے دل مضطر کے تماشے عاکفؔ

ٹوٹ کر پھر خودی کو طبع رواں تک لائے