shorish-e-zaKHm-e-jigar tab-o-tawan tak lae

shorish-e-zaḳhm-e-jigar tāb-o-tavāñ tak laa.e

is baġhāvat ko hamīñ mohr-e-dahāñ tak laa.e

dekho to zarf-e-dil-e-chāk bhī ai dād-rasāñ

chashm-e-pur-āb ko bhī dasht-e-tapāñ tak laa.e

kaun vāqif thā tire husn ke charchoñ se yahāñ

ham ise shauq se har ḳhurd-o-kalāñ tak laa.e

ek ummīd pe shāyad ki vo ḳhvāboñ meñ mile

chashm-e-betāb ko ham ḳhvāb-e-girāñ tak laa.e

hai vo dīvāngī meñ hālat-e-ḳhāna-bezār

ki use phir se qubūl-e-rag-e-jāñ tak laa.e

kaun jaane dil-e-muztar ke tamāshe 'ākif'

Tuut kar phir ḳhudī ko tab'-e-ravāñ tak laa.e

shorish-e-zaKHm-e-jigar tab-o-tawan tak lae

is baghawat ko hamin mohr-e-dahan tak lae

dekho to zarf-e-dil-e-chaak bhi ai dad-rasan

chashm-e-pur-ab ko bhi dasht-e-tapan tak lae

kaun waqif tha tere husn ke charchon se yahan

hum ise shauq se har KHurd-o-kalan tak lae

ek ummid pe shayad ki wo KHwabon mein mile

chashm-e-betab ko hum KHwab-e-giran tak lae

hai wo diwangi mein haalat-e-KHana-bezar

ki use phir se qubul-e-rag-e-jaan tak lae

kaun jaane dil-e-muztar ke tamashe 'akif'

Tut kar phir KHudi ko tab'-e-rawan tak lae