shuur mein wo silsila guman ka nahin raha

shu'ūr meñ vo silsila gumān kā nahīñ rahā

ḳhayāl mauj-e-dahr meñ nishān kā nahīñ rahā

jo saat āsmānoñ ke ḳhalā kī vus'atoñ meñ thā

fanā huā to ek āsmān kā nahīñ rahā

zabān laḌkhaḌā ga.ī gumān mahv ho gayā

vo gir gayā jise hunar bayān kā nahīñ rahā

shu'ūr ke sipurd kar zabān kī lagām ko

vagarna shahsavār phir uThān kā nahīñ rahā

vo apnā sar uThā rahā thā bāzuoñ ke zor par

vo jitnā phaḌphaḌā.e par uḌaan kā nahīñ rahā

tamām sāma'īn tāliyāñ bajā ke jā chuke

'ḳhalīl' tujh ko hosh hī dhiyān kā nahīñ rahā

shu'ur mein wo silsila guman ka nahin raha

KHayal mauj-e-dahr mein nishan ka nahin raha

jo sat aasmanon ke KHala ki wus'aton mein tha

fana hua to ek aasman ka nahin raha

zaban laDkhaDa gai guman mahw ho gaya

wo gir gaya jise hunar bayan ka nahin raha

shu'ur ke sipurd kar zaban ki lagam ko

wagarna shahsawar phir uThan ka nahin raha

wo apna sar uTha raha tha bazuon ke zor par

wo jitna phaDphaDae par uDan ka nahin raha

tamam sama'in taliyan baja ke ja chuke

'KHalil' tujh ko hosh hi dhiyan ka nahin raha