شعور میں وہ سلسلہ گمان کا نہیں رہا

شعور میں وہ سلسلہ گمان کا نہیں رہا

خیال موج دہر میں نشان کا نہیں رہا

جو سات آسمانوں کے خلا کی وسعتوں میں تھا

فنا ہوا تو ایک آسمان کا نہیں رہا

زبان لڑکھڑا گئی گمان محو ہو گیا

وہ گر گیا جسے ہنر بیان کا نہیں رہا

شعور کے سپرد کر زبان کی لگام کو

وگرنہ شہسوار پھر اٹھان کا نہیں رہا

وہ اپنا سر اٹھا رہا تھا بازوؤں کے زور پر

وہ جتنا پھڑپھڑائے پر اڑان کا نہیں رہا

تمام سامعین تالیاں بجا کے جا چکے

خلیلؔ تجھ کو ہوش ہی دھیان کا نہیں رہا