shukr-e-parwardigar karta hun

shukr-e-parvardigār kartā huuñ

aur lail-o-nahār kartā huuñ

jo har ik taur se munāsib ho

vo ravish iḳhtiyār kartā huuñ

saarī duniyā se vāsta hai mujhe

saarī duniyā ko pyaar kartā huuñ

phuul to phuul haiñ kalī to kalī

maiñ to kāñToñ se pyaar kartā huuñ

maiñ har ik shaḳhs ko zamāne meñ

ḳhud se behtar shumār kartā huuñ

tū mirā e.atibār kar na sakā

maiñ tirā e.atibār kartā huuñ

arz-e-ġham un se kar nahīñ paatā

hausla baar baar kartā huuñ

merī himmat ko daad de tujh par

apnī hastī nisār kartā huuñ

pahle thī fikr-e-īn-o-āñ 'manzil'

ab to fikr-e-mazār kartā huuñ

shukr-e-parwardigar karta hun

aur lail-o-nahaar karta hun

jo har ek taur se munasib ho

wo rawish iKHtiyar karta hun

sari duniya se wasta hai mujhe

sari duniya ko pyar karta hun

phul to phul hain kali to kali

main to kanTon se pyar karta hun

main har ek shaKHs ko zamane mein

KHud se behtar shumar karta hun

tu mera eatibar kar na saka

main tera eatibar karta hun

arz-e-gham un se kar nahin pata

hausla bar bar karta hun

meri himmat ko dad de tujh par

apni hasti nisar karta hun

pahle thi fikr-e-in-o-an 'manzil'

ab to fikr-e-mazar karta hun