shukr hai ab ke bekali kam hai

shukr hai ab ke bekalī kam hai

āj-kal un se dostī kam hai

saañs lene meñ dam nikaltā hai

in havāoñ meñ kuchh namī kam hai

tum use zaḳhm-e-dil dikhāte ho

vo jo qātil hai aadmī kam hai

taab bhar us meñ hai jalāne kī

apne sūraj meñ raushnī kam hai

ham to duniyā ko kyā se kyā kar deñ

kyā kareñ apnī zindagī kam hai

lag rahā hai ki vo na ā.eñge

aaj mahfil meñ khalbalī kam hai

kaam ke ham bhī aadmī haiñ ab

āj-kal ham meñ āshiqī kam hai

un se 'az.har' to ham nahīñ jin meñ

sirf sūrat hai shā.irī kam hai

shukr hai ab ke bekali kam hai

aaj-kal un se dosti kam hai

sans lene mein dam nikalta hai

in hawaon mein kuchh nami kam hai

tum use zaKHm-e-dil dikhate ho

wo jo qatil hai aadmi kam hai

tab bhar us mein hai jalane ki

apne suraj mein raushni kam hai

hum to duniya ko kya se kya kar den

kya karen apni zindagi kam hai

lag raha hai ki wo na aaenge

aaj mahfil mein khalbali kam hai

kaam ke hum bhi aadmi hain ab

aaj-kal hum mein aashiqi kam hai

un se 'azhar' to hum nahin jin mein

sirf surat hai shairi kam hai