شیام تمہاری رادھا رانی ٹھیک نہیں

شیام تمہاری رادھا رانی ٹھیک نہیں

تم سے بچھڑن کے دکھ یعنی ٹھیک نہیں

ورنہ بڑے جھگڑے میں جرح یہ بدلے گی

بات بات پر کھینچا تانی ٹھیک نہیں

ہم سارس جیسے ہیں سو مر جائیں گے

ہم جیسوں سے رو گردانی ٹھیک نہیں

محض جگہ ہی نہیں بہت کچھ بدلا ہے

پھر بھی ہجرت میں بے دھیانی ٹھیک نہیں

جب جی چاہا خواب دئے پھر چھینے بھی

نیندوں کی یہ کارستانی ٹھیک نہیں

غصہ جھگڑا گالی گفتا مکاری

لہجے میں ایسی عریانی ٹھیک نہیں