shyam tumhaari radha-rani Thik nahin

shyām tumhārī rādhā-rānī Thiik nahīñ

tum se bichhḌan ke dukh yā'nī Thiik nahīñ

varna baḌe jhagḌe meñ jirah ye badlegī

bāt-bāt par khīñchā-tānī Thiik nahīñ

ham sāras jaise haiñ so mar jā.eñge

ham jaisoñ se rū-gardānī Thiik nahīñ

mahz jagah hī nahīñ bahut kuchh badlā hai

phir bhī hijrat meñ be-dhyānī Thiik nahīñ

jab jī chāhā ḳhvāb diye phir chhīne bhī

nīñdoñ kī ye kāristānī Thiik nahīñ

ġhussa jhagḌā gālī-guftā makkārī

lahje meñ aisī ‘uryānī Thiik nahīñ

shyam tumhaari radha-rani Thik nahin

tum se bichhDan ke dukh ya'ni Thik nahin

warna baDe jhagDe mein jirah ye badlegi

baat-baat par khincha-tani Thik nahin

hum saras jaise hain so mar jaenge

hum jaison se ru-gardani Thik nahin

mahz jagah hi nahin bahut kuchh badla hai

phir bhi hijrat mein be-dhyani Thik nahin

jab ji chaha KHwab diye phir chhine bhi

nindon ki ye karistani Thik nahin

ghussa jhagDa gali-gufta makkari

lahje mein aisi ‘uryani Thik nahin