sidhaari quwwat-e-dil tab aur taqat se kah dijo

sidhārī quvvat-e-dil taab aur tāqat se kah diijo

hue haiñ nā-tavāñ ham bistar-e-rāhat se kah diijo

muā bhī maiñ to ai yaaro jo yāroñ se mare hove

salām-e-shauq us kā tum mirī turbat se kah diijo

gar ai qāsid tū us ke rū-ba-rū jaave ishāre se

duā merī bhī us ma.ashūq-e-kam-fursat se kah diijo

suno ai yaaro ik ma.ashūq-e-harjā.ī ke jalve ne

phirāyā dar-ba-dar mere ta.iiñ ġhurbat se kah diijo

bayāñ jo jo ki sūrat tujh se kī hai maiñ ne ai qāsid

tū us ke kaan meñ jhuk kar usī sūrat se kah diijo

bhalā us kā to dil ḳhush hovegā is baat ko sun kar

na pahuñche mudda.ā ko apne ham hasrat se kah diijo

huā dīvāna, thā vo 'mus.hafī' terā jo saudā.ī

sabā gar us galī meñ jaa.e, jam.iyyat se kah diijo

sidhaari quwwat-e-dil tab aur taqat se kah dijo

hue hain na-tawan hum bistar-e-rahat se kah dijo

mua bhi main to ai yaro jo yaron se mare howe

salam-e-shauq us ka tum meri turbat se kah dijo

gar ai qasid tu us ke ru-ba-ru jawe ishaare se

dua meri bhi us mashuq-e-kam-fursat se kah dijo

suno ai yaro ek mashuq-e-harjai ke jalwe ne

phiraya dar-ba-dar mere tain ghurbat se kah dijo

bayan jo jo ki surat tujh se ki hai main ne ai qasid

tu us ke kan mein jhuk kar usi surat se kah dijo

bhala us ka to dil KHush howega is baat ko sun kar

na pahunche muddaa ko apne hum hasrat se kah dijo

hua diwana, tha wo 'mushafi' tera jo saudai

saba gar us gali mein jae, jamiyyat se kah dijo