سیم مٹی کی ہے زر مٹی کا ہے
سیم مٹی کی ہے زر مٹی کا ہے
پھر بھی طالب ہر بشر مٹی کا ہے
ابتدا بھی انتہا بھی خاک ہے
زیست کیا ہے اک سفر مٹی کا ہے
چاک پر چڑھنا سنورنا ٹوٹنا
بس یہ قصہ مختصر مٹی کا ہے
خواب کیا ہے خواب کا انجام کیا
اک گھروندا ریت پر مٹی کا ہے
میں دعا بارش کی مانگوں کس طرح
اے درختو میرا گھر مٹی کا ہے
نبھتی ہے دونوں میں دیکھیں کب تلک
ایک پتھر ہم سفر مٹی کا ہے
وضع داری عہد نو میں ہے کہاں
مجھ میں جو ہے وہ اثر مٹی کا ہے
سینہ ہے فولاد کا میرا کمالؔ
اس کے اندر دل مگر مٹی کا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
