simab jal gaya to use gard boliye

sīmāb jal gayā to use gard boliye

āshiq fanā huā to use mard boliye

sharbat kuuñ ḳhūn-e-dil ke piyo zahr kā sā ghūñT

aisā tabīb kaañ hai jise dard boliye

hai kyā kitāb-e-matla-e-anvār ruḳh tirā

sūraj kuuñ jis kā yak varq-e-zard boliye

jiyūñ bū hue haiñ mahv har yak rañg-e-gul meñ ham

ai bulbulo sadā-e-anal-vard boliye

albatta hove matl.a-e-dīvān āftāb

tujh husn kī sifat meñ agar fard boliye

baazī hai jaan hijr hai haar aur visāl jiit

ġham hai bisāt-e-dil kuuñ mire nard boliye

hai aag āshiqoñ kā dam-e-sard ai 'sirāj'

aur aag kī lapaT kuuñ dam-e-sard boliye

simab jal gaya to use gard boliye

aashiq fana hua to use mard boliye

sharbat kun KHun-e-dil ke piyo zahr ka sa ghunT

aisa tabib kan hai jise dard boliye

hai kya kitab-e-matla-e-anwar ruKH tera

suraj kun jis ka yak warq-e-zard boliye

jiyun bu hue hain mahw har yak rang-e-gul mein hum

ai bulbulo sada-e-anal-ward boliye

albatta howe matla-e-diwan aaftab

tujh husn ki sifat mein agar fard boliye

bazi hai jaan hijr hai haar aur visal jit

gham hai bisat-e-dil kun mere nard boliye

hai aag aashiqon ka dam-e-sard ai 'siraj'

aur aag ki lapaT kun dam-e-sard boliye