sine mein aaftab nahin hai kisi ke pas

siine meñ āftāb nahīñ hai kisī ke paas

zulmat kā sadd-e-bāb nahīñ hai kisī ke paas

har aañkh meñ haiñ ‘ishrat-e-fānī ke ḳhvāb kyoñ

kyā aur koī ḳhvāb nahīñ hai kisī ke paas

duniyā se ai’tabār-e-vafā uTh gayā hai kyoñ

is baat kā javāb nahīñ hai kisī ke paas

yā to har ek but meñ ḳhudā kā jamāl hai

yā chashm-e-intiḳhāb nahīñ hai kisī ke paas

paḌhtā hai karl-marx kā sarmāya har koī

allāh kī kitāb nahīñ hai kisī ke paas

kab se du'ā ko haath uThā.e hue haiñ log

aur harf-e-mustajāb nahīñ hai kisī ke paas

kitnoñ ko be-gunāhī kī 'bedil' sazā milī

is kā koī javāb nahīñ hai kisī ke paas

sine mein aaftab nahin hai kisi ke pas

zulmat ka sadd-e-bab nahin hai kisi ke pas

har aankh mein hain ‘ishrat-e-fani ke KHwab kyon

kya aur koi KHwab nahin hai kisi ke pas

duniya se ai’tabar-e-wafa uTh gaya hai kyon

is baat ka jawab nahin hai kisi ke pas

ya to har ek but mein KHuda ka jamal hai

ya chashm-e-intiKHab nahin hai kisi ke pas

paDhta hai karl-marx ka sarmaya har koi

allah ki kitab nahin hai kisi ke pas

kab se du'a ko hath uThae hue hain log

aur harf-e-mustajab nahin hai kisi ke pas

kitnon ko be-gunahi ki 'bedil' saza mili

is ka koi jawab nahin hai kisi ke pas