sine mein sulagte hue lamhat ka jangal

siine meñ sulagte hue lamhāt kā jañgal

kis tarah kaTe tāroñ bharī raat kā jañgal

haañ dast-shanāsī pe baḌā naaz thā us ko

dekhā na gayā us se mire haat kā jañgal

ummīd kā ik peḌ ugaa.e nahīñ ugtā

ḳhud-rav hai magar zehn meñ shub.hāt kā jañgal

de tāqat-e-parvāz ki uupar se guzar jā.ūñ

kyuuñ raah meñ haa.il hai mirī zaat kā jañgal

ḳhvābīda haiñ is meñ ka.ī ayyār darinde

behtar hai ki jal jaa.e ye jazbāt kā jañgal

kuchh aur masā.il mirī jānib hue maa.il

kuchh aur harā ho gayā hālāt kā jañgal

tasvīr-e-ġhazal meñ se jhalaktā huā 'aslam'

ye shahr-e-suḳhan hai ki ḳhurāfāt kā jañgal

sine mein sulagte hue lamhat ka jangal

kis tarah kaTe taron bhari raat ka jangal

han dast-shanasi pe baDa naz tha us ko

dekha na gaya us se mere hat ka jangal

ummid ka ek peD ugae nahin ugta

KHud-raw hai magar zehn mein shubhat ka jangal

de taqat-e-parwaz ki upar se guzar jaun

kyun rah mein hail hai meri zat ka jangal

KHwabida hain is mein kai ayyar darinde

behtar hai ki jal jae ye jazbaat ka jangal

kuchh aur masail meri jaanib hue mail

kuchh aur hara ho gaya haalat ka jangal

taswir-e-ghazal mein se jhalakta hua 'aslam'

ye shahr-e-suKHan hai ki KHurafat ka jangal