sipi hain sab ke pas guhar kis ke pas hai

siipī haiñ sab ke paas guhar kis ke paas hai

jo mere paas hai vo hunar kis ke paas hai

chehre pe ḳhaak aañkh meñ motī laboñ pe aah

is qā.ede kā raḳht-e-safar kis ke paas hai

sahrā-navard pūchhtā phirtā hai shahr shahr

jo de sake panāh vo ghar kis ke paas hai

lab par to haiñ duā.eñ magar ai dil-e-hazīñ

tū ḳhuub jāntā hai asar kis ke paas hai

alfāz par na rūh-e-ma.ānī pe harf aa.e

ye e.atibār-e-harf-e-digar kis ke paas hai

ḳhāmosh hai jo sham.a zabāñ mil sake use

ye sho.alagī-e-harf-e-hunar kis ke paas hai

mausam kā ye azaab ravish-dar-ravish hai 'shān'

ab imtiyāz-e-naḳhl-o-samar kis ke paas hai

sipi hain sab ke pas guhar kis ke pas hai

jo mere pas hai wo hunar kis ke pas hai

chehre pe KHak aankh mein moti labon pe aah

is qaede ka raKHt-e-safar kis ke pas hai

sahra-naward puchhta phirta hai shahr shahr

jo de sake panah wo ghar kis ke pas hai

lab par to hain duaen magar ai dil-e-hazin

tu KHub jaanta hai asar kis ke pas hai

alfaz par na ruh-e-maani pe harf aae

ye eatibar-e-harf-e-digar kis ke pas hai

KHamosh hai jo shama zaban mil sake use

ye shoalagi-e-harf-e-hunar kis ke pas hai

mausam ka ye azab rawish-dar-rawish hai 'shan'

ab imtiyaz-e-naKHl-o-samar kis ke pas hai