silsila chalta rahega mere dil ke baad bhi

silsila chaltā rahegā mere dil ke ba.ad bhī

jo nagar ujḌā hai ab thā ye kabhī ābād bhī

is qafas se is qadar apnī tabī.at ho ga.ī

chhoḌ kar jā.ūñ na hargiz vo kareñ āzād bhī

shab gazīda huuñ mujhe tāroñ kī chhāñv se hai Dar

dil kā ḳhuuñ karne chale aa.e haiñ terā zaad bhī

muddatoñ se koī sandesa na aane kī ḳhabar

ab unheñ shāyad hī aatī ho hamārī yaad bhī

chāñd bhī joban pe apne raat bhī mastī bharī

duur koī chheḌ de bansī pe ik fariyād bhī

kar diyā hālāt kī chakkī ne bhī 'shīrīñ' ko chor

aur kuchh hai ḳhud-ġharaz is daur kā 'farhād' bhī

naujavāñ ne talḳhī-e-hālāt se kī ḳhud-kushī

aur 'hasrat' aag meñ jhoñkī haiñ sab asnād bhī

silsila chalta rahega mere dil ke baad bhi

jo nagar ujDa hai ab tha ye kabhi aabaad bhi

is qafas se is qadar apni tabiat ho gai

chhoD kar jaun na hargiz wo karen aazad bhi

shab gazida hun mujhe taron ki chhanw se hai Dar

dil ka KHun karne chale aae hain tera zad bhi

muddaton se koi sandesa na aane ki KHabar

ab unhen shayad hi aati ho hamari yaad bhi

chand bhi joban pe apne raat bhi masti bhari

dur koi chheD de bansi pe ek fariyaad bhi

kar diya haalat ki chakki ne bhi 'shirin' ko chor

aur kuchh hai KHud-gharaz is daur ka 'farhad' bhi

naujawan ne talKHi-e-haalat se ki KHud-kushi

aur 'hasrat' aag mein jhonki hain sab asnad bhi