silsila jumban ek tanha se ruh kisi tanha ki thi

silsila jumbāñ ik tanhā se ruuh kisī tanhā kī thī

ek āvāz abhī aa.ī thī vo āvāz havā kī thī

be-duniyā.ī ne is dil kī aur bhī duniyā-dār kiyā

dil par aisī TuuTī duniyā tark zarā duniyā kī thī

apne andar hañstā huuñ maiñ aur bahut sharmātā huuñ

ḳhuun bhī thūkā sach-much thūkā aur ye sab chālākī thī

apne-āp se jab maiñ gayā huuñ tab kī rivāyat suntā huuñ

aa kar kitne din tak us kī yaad mujhe pūchhā kī thī

huuñ saudā.ī saudā.ī sā jab se maiñ ne jaanā hai

tai vo rāh-e-sar-e-saudā.ī maiñ ne be-saudā kī thī

gard thī begāna-gardī kī jo thī nigah merī tāham

jab bhī koī sūrat bichhḌī āñkhoñ meñ nam-nākī thī

hai ye qissa kitnā achchhā par maiñ achchhā samjhūñ to

ek thā koī jis ne yak-dam ye duniyā paidā kī thī

silsila jumban ek tanha se ruh kisi tanha ki thi

ek aawaz abhi aai thi wo aawaz hawa ki thi

be-duniyai ne is dil ki aur bhi duniya-dar kiya

dil par aisi TuTi duniya tark zara duniya ki thi

apne andar hansta hun main aur bahut sharmata hun

KHun bhi thuka sach-much thuka aur ye sab chaalaki thi

apne-ap se jab main gaya hun tab ki riwayat sunta hun

aa kar kitne din tak us ki yaad mujhe puchha ki thi

hun saudai saudai sa jab se main ne jaana hai

tai wo rah-e-sar-e-saudai main ne be-sauda ki thi

gard thi begana-gardi ki jo thi nigah meri taham

jab bhi koi surat bichhDi aankhon mein nam-naki thi

hai ye qissa kitna achchha par main achchha samjhun to

ek tha koi jis ne yak-dam ye duniya paida ki thi