silsila KHwabon ka sab yunhi dhara rah jaega

Hayat Lakhnavi

silsila KHwabon ka sab yunhi dhara rah jaega

Hayat Lakhnavi

MORE BYHayat Lakhnavi

    silsila ḳhvāboñ sab yūñhī dharā rah jā.egā

    ek din bistar pe koī jāgtā rah jā.egā

    ek ḳhvāhish dil ko ġhair-ābād kartī jā.egī

    ik parinda duur tak uḌtā huā rah jā.egā

    chār-sū phailī huī be-chehragī dhund meñ

    ek din be-aks ho kar aa.ina rah jā.egā

    har sadā se bach ke vo ehsās-e-tanhā.ī meñ hai

    apne dīvār-o-dar meñ gūñjtā rah jā.egā

    mudda.ā ham apnā kāġhaz par raqam kar jā.eñge

    vaqt ke hāthoñ meñ apnā faislā rah jā.egā

    do ghaḌī ke vāste aa kar chale jāoge tum

    phir mirī tanhā.iyoñ silsilā rah jā.egā

    ab diloñ meñ koī gunjā.ish nahīñ miltī 'hayāt'

    bas kitāboñ meñ likhkhā harf-e-vafā rah jā.egā

    silsila KHwabon ka sab yunhi dhara rah jaega

    ek din bistar pe koi jagta rah jaega

    ek KHwahish dil ko ghair-abaad karti jaegi

    ek parinda dur tak uDta hua rah jaega

    chaar-su phaili hui be-chehragi ki dhund mein

    ek din be-aks ho kar aaina rah jaega

    har sada se bach ke wo ehsas-e-tanhai mein hai

    apne hi diwar-o-dar mein gunjta rah jaega

    muddaa hum apna kaghaz par raqam kar jaenge

    waqt ke hathon mein apna faisla rah jaega

    do ghaDi ke waste aa kar chale jaoge tum

    phir meri tanhaiyon ka silsila rah jaega

    ab dilon mein koi gunjaish nahin milti 'hayat'

    bas kitabon mein likhkha harf-e-wafa rah jaega

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY