silsila lafzon ki saughat ka bhi TuT gaya
silsila lafzoñ kī sauġhāt kā bhī TuuT gayā
rābta ḳhat se mulāqāt kā bhī TuuT gayā
maañ kī āġhosh meñ ulfat kī ravānī pā kar
bāñdh Thahre hue jazbāt kā bhī TuuT gayā
ehtirām apne buzurgoñ kā adab chhoToñ kā
ab chalan aisī rivāyāt kā bhī TuuT gayā
raat ke māthe pe sūraj ne sahar likh dī hai
aasrā us se mulāqāt kā bhī TuuT gayā
aa gayā kaise vo ab apnī anā se bāhar
kyā hisār aaj mirī zaat kā bhī TuuT gayā
aaj aḳhbār kī ḳhabreñ bhī haiñ mashkūk 'farāz'
aa.ina sūrat-e-hālāt kā bhī TuuT gayā
silsila lafzon ki saughat ka bhi TuT gaya
rabta KHat se mulaqat ka bhi TuT gaya
man ki aaghosh mein ulfat ki rawani pa kar
bandh Thahre hue jazbaat ka bhi TuT gaya
ehtiram apne buzurgon ka adab chhoTon ka
ab chalan aisi riwayat ka bhi TuT gaya
raat ke mathe pe suraj ne sahar likh di hai
aasra us se mulaqat ka bhi TuT gaya
aa gaya kaise wo ab apni ana se bahar
kya hisar aaj meri zat ka bhi TuT gaya
aaj aKHbar ki KHabren bhi hain mashkuk 'faraaz'
aaina surat-e-haalat ka bhi TuT gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
