sirf aazar uThane se kahan banta hai

sirf āzār uThāne se kahāñ bantā hai

mujh sā uslūb zamāne se kahāñ bantā hai

aañkh ko kaaT ke kuchh nok-palak sīdhī kī

zāviya siidh meñ aane se kahāñ bantā hai

kuchh na kuchh is meñ haqīqat bhī chhipī hotī hai

vāqi.a baat banāne se kahāñ bantā hai

husn-e-yūsuf sī koī jins bhī rakkho is meñ

varna bāzār sajāne se kahāñ bantā hai

is meñ kuchh vahshat-e-dil bhī to rakhī jaatī hai

baaġh bas phuul ugāne se kahāñ bantā hai

rāsta bantā hai tashkīl-e-nazar se 'bābar'

ḳhaak kī ḳhaak uḌāne se kahāñ bantā hai

sirf aazar uThane se kahan banta hai

mujh sa uslub zamane se kahan banta hai

aankh ko kaT ke kuchh nok-palak sidhi ki

zawiya sidh mein aane se kahan banta hai

kuchh na kuchh is mein haqiqat bhi chhipi hoti hai

waqia baat banane se kahan banta hai

husn-e-yusuf si koi jins bhi rakkho is mein

warna bazar sajaane se kahan banta hai

is mein kuchh wahshat-e-dil bhi to rakhi jati hai

bagh bas phul ugane se kahan banta hai

rasta banta hai tashkil-e-nazar se 'babar'

KHak ki KHak uDane se kahan banta hai