sirf baaton se hukumat nahin ki ja sakti

sirf bātoñ se hukūmat nahīñ kī jā saktī

ḳhālī jeboñ se tijārat nahīñ kī jā saktī

ham buzurgoñ ke asāse ke muhāfiz haiñ miyāñ

ham se is shahr se hijrat nahīñ kī jā saktī

aur jo chāhe kiyā jaa.e magar duniyā meñ

apne bachchoñ se baġhāvat nahīñ kī jā saktī

apnī nasloñ kā tahaffuz bhī nazar meñ rakhiye

had se baḌh kar bhī saḳhāvat nahīñ kī jā saktī

ham buzurgoñ kī vaz.a-dārī ke qaa.il haiñ abhī

ham se yuuñ tark-e-sharāfat nahīñ kī jā saktī

hai tahaffuz meñ husain ibn-e-alī kā saaya

ab yazīdoñ kī itā.at nahīñ kī jā saktī

sirf baaton se hukumat nahin ki ja sakti

KHali jebon se tijarat nahin ki ja sakti

hum buzurgon ke asase ke muhafiz hain miyan

hum se is shahr se hijrat nahin ki ja sakti

aur jo chahe kiya jae magar duniya mein

apne bachchon se baghawat nahin ki ja sakti

apni naslon ka tahaffuz bhi nazar mein rakhiye

had se baDh kar bhi saKHawat nahin ki ja sakti

hum buzurgon ki waza-dari ke qail hain abhi

hum se yun tark-e-sharafat nahin ki ja sakti

hai tahaffuz mein husain ibn-e-ali ka saya

ab yazidon ki itaat nahin ki ja sakti