sirf itne mein hi ho jata guzara mera

sirf itne meñ hī ho jaatā guzārā merā

pūchh letā vo agar haal dobāra merā

is se andāza lagā lo ki vo ḳhud kyā hogā

jis kī Thokar se chamaktā thā sitāra merā

ḳhair aur shar meñ tavāzun hī nahīñ rakh saktā

kaun samjhegā mirī jaan ḳhasārā merā

kyā zarūrī hai ki ham ek zabāñ bolte hoñ

ishq kartā hai to samjhegā ishāra merā

maiñ vo dariyā jo samundar meñ alag bahtā hai

paanī hotā hī nahīñ hai kabhī khārā merā

jab vo laḌtī thī to punjabi zabāñ boltī thī

ḳhud-baḳhud nīche chalā aatā thā paara merā

tum ne chhoḌā hai to maiñ chāhe jahāñ bhī jā.ūñ

jhagḌā bantā hī nahīñ ab to tumhārā merā

sirf itne mein hi ho jata guzara mera

puchh leta wo agar haal dobara mera

is se andaza laga lo ki wo KHud kya hoga

jis ki Thokar se chamakta tha sitara mera

KHair aur shar mein tawazun hi nahin rakh sakta

kaun samjhega meri jaan KHasara mera

kya zaruri hai ki hum ek zaban bolte hon

ishq karta hai to samjhega ishaara mera

main wo dariya jo samundar mein alag bahta hai

pani hota hi nahin hai kabhi khaara mera

jab wo laDti thi to punjabi zaban bolti thi

KHud-baKHud niche chala aata tha para mera

tum ne chhoDa hai to main chahe jahan bhi jaun

jhagDa banta hi nahin ab to tumhaara mera