sirf karb-e-ana diya hai mujhe

sirf karb-e-anā diyā hai mujhe

zindagī ne bhī kyā diyā hai mujhe

muskurāte hue bhī Dartā huuñ

ġham ne buzdil banā diyā hai mujhe

jis tarah ret par ho naqsh koī

yuuñ havā ne miTā diyā hai mujhe

maiñ use dil-lagī samajhtā thā

tū ne sach-much bhulā diyā hai mujhe

yārab is be-hisoñ ke shahr meñ kyuuñ

dil-e-dard-āshnā diyā hai mujhe

vo bhī ThanDī havā kā jhoñkā thā

jis ne yaksar jalā diyā hai mujhe

us ne rakkhā hai be-tarah masrūf

roz hī ġham nayā diyā hai mujhe

aaj mere hī dil ne ai 'ābid'

apnā dushman banā diyā hai mujhe

sirf karb-e-ana diya hai mujhe

zindagi ne bhi kya diya hai mujhe

muskuraate hue bhi Darta hun

gham ne buzdil bana diya hai mujhe

jis tarah ret par ho naqsh koi

yun hawa ne miTa diya hai mujhe

main use dil-lagi samajhta tha

tu ne sach-much bhula diya hai mujhe

yarab is be-hison ke shahr mein kyun

dil-e-dard-ashna diya hai mujhe

wo bhi ThanDi hawa ka jhonka tha

jis ne yaksar jala diya hai mujhe

us ne rakkha hai be-tarah masruf

roz hi gham naya diya hai mujhe

aaj mere hi dil ne ai 'abid'

apna dushman bana diya hai mujhe