sirf un ke dil mein basne ke liye

sirf un ke dil meñ basne ke liye

bik ga.e ham ek sapne ke liye

qatre qatre par likhī hai dāstāñ

aa.egā kyā koī paḌhne ke liye

aisī aadat ġham kī ham ko ho ga.ī

chāhiye ġham koī hañsne ke liye

pahle nochā hai paroñ ko aur phir

kar diyā āzād uḌne ke liye

sochte haiñ āstīñ ko dekh kar

kyā unheñ paalā thā Dasne ke liye

dost dushman ġhair apne ajnabī

taak meñ baiThe haiñ Dañkne ke liye

kitne haiñ tayyār duniyā meñ javāñ

diip kī mānind jalne ke liye

terī kyā auqāt hai 'ānand' jab

shams bhī majbūr Dhalne ke liye

sirf un ke dil mein basne ke liye

bik gae hum ek sapne ke liye

qatre qatre par likhi hai dastan

aaega kya koi paDhne ke liye

aisi aadat gham ki hum ko ho gai

chahiye gham koi hansne ke liye

pahle nocha hai paron ko aur phir

kar diya aazad uDne ke liye

sochte hain aastin ko dekh kar

kya unhen pala tha Dasne ke liye

dost dushman ghair apne ajnabi

tak mein baiThe hain Dankne ke liye

kitne hain tayyar duniya mein jawan

dip ki manind jalne ke liye

teri kya auqat hai 'anand' jab

shams bhi majbur Dhalne ke liye