sirf un ke kuche mein jaan bichha ke chalte hain

sirf un ke kūche meñ jaañ bichhā ke chalte haiñ

varna chāhne vaale sar uThā ke chalte haiñ

kyā gunah huā un se kyuuñ tirī galī ke log

apne ghar ke andar bhī muñh chhupā ke chalte haiñ

haañ ḳhudā bhī ho shāyad koī apnī bastī kā

hukm us jagah saare nāḳhudā ke chalte haiñ

zaḳhm bhī nahīñ lagte ḳhuun bhī nahīñ bahtā

tiir us kī mahfil meñ kis balā ke chalte haiñ

shaam ko unheñ 'aḳhtar' gulsitāñ meñ dekheñge

jab vo apnī zulfoñ meñ dil sajā ke chalte haiñ

sirf un ke kuche mein jaan bichha ke chalte hain

warna chahne wale sar uTha ke chalte hain

kya gunah hua un se kyun teri gali ke log

apne ghar ke andar bhi munh chhupa ke chalte hain

han KHuda bhi ho shayad koi apni basti ka

hukm us jagah sare naKHuda ke chalte hain

zaKHm bhi nahin lagte KHun bhi nahin bahta

tir us ki mahfil mein kis bala ke chalte hain

sham ko unhen 'aKHtar' gulsitan mein dekhenge

jab wo apni zulfon mein dil saja ke chalte hain