sisak rahe hain kai na-tawan se bahar

sisak rahe haiñ ka.ī nā-tavān se bāhar

qadam nikāl kisī din makān se bāhar

kalām-e-yār kī tārīf kis zabāñ se ho

hai ḳhush-bayānī-e-jānāñ bayān se bāhar

na hone meñ hī hai lutf-e-dahan raho ḳhāmosh

samajh ke baat nikālo zabān se bāhar

hamāre saath hai paimāna-e-dil ai ḳhammār

nikāl shīsha-o-sāġhar dukān se bāhar

karegā charḳh mirī gor se bhī kaj-bāzī

koī zamīn nahīñ āsmān se bāhar

tumhāre ghar se agar naam luuñ nikalne kā

nikāl do mujhe saare jahān se bāhar

barā.e-jalva kasīf-o-latīf yaksāñ haiñ

na aap jism se bāhar na jaan se bāhar

kiyā mujhe samar-e-naḳhl-e-āh ne mamnūn

vo bārhā nikal aa.e makān se bāhar

vo sher kyā ki ma.ānī hoñ batn-e-shā.ir meñ

ġhalat ye hai rahe maġhz ustuḳhvān se bāhar

asar talammuz-e-'nāsiḳh' kā kyoñ na ho ai 'rashk'

tamām tarz-e-suḳhan hai bayān se bāhar

sisak rahe hain kai na-tawan se bahar

qadam nikal kisi din makan se bahar

kalam-e-yar ki tarif kis zaban se ho

hai KHush-bayani-e-jaanan bayan se bahar

na hone mein hi hai lutf-e-dahan raho KHamosh

samajh ke baat nikalo zaban se bahar

hamare sath hai paimana-e-dil ai KHammar

nikal shisha-o-saghar dukan se bahar

karega charKH meri gor se bhi kaj-bazi

koi zamin nahin aasman se bahar

tumhaare ghar se agar nam lun nikalne ka

nikal do mujhe sare jahan se bahar

barae-jalwa kasif-o-latif yaksan hain

na aap jism se bahar na jaan se bahar

kiya mujhe samar-e-naKHl-e-ah ne mamnun

wo barha nikal aae makan se bahar

wo sher kya ki maani hon batn-e-shair mein

ghalat ye hai rahe maghz ustuKHwan se bahar

asar talammuz-e-'nasiKH' ka kyon na ho ai 'rashk'

tamam tarz-e-suKHan hai bayan se bahar