sisakta chiKHta ehsas tha mere andar

sisaktā chīḳhtā ehsās thā mire andar

kabhī to jhāñk ke vo dekhtā mire andar

kisī ke lams kī ḳhvāhish na fāsloñ kī kasak

ye kaisā zahr uchhālā gayā mire andar

vo ek shaḳhs jise DhūñDnā bhī mushkil thā

baḌe ḳhulūs se rahne lagā mire andar

lahū kī sūkhī huī jhiil meñ utar kar yuuñ

talāsh kis ko vo kartā rahā mire andar

ye merā dil bhī sarāpā mazār sā hai 'sabā'

lagāo katba kisī naam kā mire andar

sisakta chiKHta ehsas tha mere andar

kabhi to jhank ke wo dekhta mere andar

kisi ke lams ki KHwahish na faslon ki kasak

ye kaisa zahr uchhaala gaya mere andar

wo ek shaKHs jise DhunDna bhi mushkil tha

baDe KHulus se rahne laga mere andar

lahu ki sukhi hui jhil mein utar kar yun

talash kis ko wo karta raha mere andar

ye mera dil bhi sarapa mazar sa hai 'saba'

lagao katba kisi nam ka mere andar