siskiyon ko daba ke roya hun

siskiyoñ ko dabā ke royā huuñ

apne aañsū chhupā ke royā huuñ

ranj-o-ġham apne bebasī dil kī

apne rab ko batā ke royā huuñ

soch kar ye ki bah hī jaa.e ġham

āñsuoñ meñ samā ke royā huuñ

jis ko khone kā Dar sā rahtā thā

dekho us ko maiñ pā ke royā huuñ

us kī ḳhātir usī ko chhoḌā hai

us ko ḳhushiyāñ dilā ke royā huuñ

terā ġham to huā nasīb mujhe

chalo kuchh to kamā ke royā huuñ

zaḳhm ik dil pe khā ke royā huuñ

vāste bevafā ke royā huuñ

sau tarah ke savāl hoñge so

maiñ bahāna banā ke royā huuñ

bharī mahfil meñ apnī bātoñ se

baaqī sab ko hañsā ke royā huuñ

mujh ko dekho 'hadīd' chehre par

muskurāhaT sajā ke royā huuñ

siskiyon ko daba ke roya hun

apne aansu chhupa ke roya hun

ranj-o-gham apne bebasi dil ki

apne rab ko bata ke roya hun

soch kar ye ki bah hi jae gham

aansuon mein sama ke roya hun

jis ko khone ka Dar sa rahta tha

dekho us ko main pa ke roya hun

us ki KHatir usi ko chhoDa hai

us ko KHushiyan dila ke roya hun

tera gham to hua nasib mujhe

chalo kuchh to kama ke roya hun

zaKHm ek dil pe kha ke roya hun

waste bewafa ke roya hun

sau tarah ke sawal honge so

main bahana bana ke roya hun

bhari mahfil mein apni baaton se

baqi sab ko hansa ke roya hun

mujh ko dekho 'hadid' chehre par

muskurahaT saja ke roya hun