sitara ek bhi baqi bacha kya

sitāra ek bhī baaqī bachā kyā

nigoḌī dhuup khā jaatī hai kyā kyā

falak kañgāl hai ab pūchh liije

sahar ne muñh dikhā.ī meñ liyā kyā

sab ik bahre fanā ke bulbule haiñ

kisī kī ibtidā kyā intihā kyā

jazīre sar uThā kar hañs rahe haiñ

zarā socho samundar kar sakā kyā

ḳhirad ik nuur meñ zam ho rahī hai

jharokā āgahī kā khul gayā kyā

bahut sharmāoge ye jaan kar tum

tumhāre saath ḳhvāboñ meñ kiyā kyā

use ḳhud-kush nahīñ majbūr kahiye

badal detā vo dil kā faisla kyā

barahna thā maiñ ik shīshe ke ghar meñ

mirā kirdār koī kholtā kyā

ajal kā ḳhauf taarī hai azal se

kisī ne ek lamha bhī jiyā kyā

makīñ ho kar muhājir ban rahe ho

miyāñ yak-laḳht bhejā phir gayā kyā

ḳhudā bhī dekhtā hai dhyān rakhnā

ḳhudā ke naam par tum ne kiyā kyā

uThā kar sar bahut ab boltā huuñ

mirā kirdār baunā ho gayā kyā

sitara ek bhi baqi bacha kya

nigoDi dhup kha jati hai kya kya

falak kangal hai ab puchh lije

sahar ne munh dikhai mein liya kya

sab ek bahre fana ke bulbule hain

kisi ki ibtida kya intiha kya

jazire sar uTha kar hans rahe hain

zara socho samundar kar saka kya

KHirad ek nur mein zam ho rahi hai

jharoka aagahi ka khul gaya kya

bahut sharmaoge ye jaan kar tum

tumhaare sath KHwabon mein kiya kya

use KHud-kush nahin majbur kahiye

badal deta wo dil ka faisla kya

barahna tha main ek shishe ke ghar mein

mera kirdar koi kholta kya

ajal ka KHauf tari hai azal se

kisi ne ek lamha bhi jiya kya

makin ho kar muhajir ban rahe ho

miyan yak-laKHt bheja phir gaya kya

KHuda bhi dekhta hai dhyan rakhna

KHuda ke nam par tum ne kiya kya

uTha kar sar bahut ab bolta hun

mera kirdar bauna ho gaya kya