sitara-war jale phir bujha diye gae hum

sitāra-vār jale phir bujhā diye ga.e ham

phir is ke ba.ad nazar se girā diye ga.e ham

aziiz the hamīñ nau-vāridān-e-kūcha-e-ishq

so pīchhe haTte ga.e rāsta diye ga.e ham

shikast o fat.h ke sab faisle hue kahīñ aur

misāl-e-māl-e-ġhanīmat luTā diye ga.e ham

zamīn farsh-e-gul-o-lāla se sajā.ī ga.ī

phir is zamīñ kī amānat banā diye ga.e ham

duā.eñ yaad karā dī ga.ī thiiñ bachpan meñ

so zaḳhm khāte rahe aur duā diye ga.e ham

sitara-war jale phir bujha diye gae hum

phir is ke baad nazar se gira diye gae hum

aziz the hamin nau-waridan-e-kucha-e-ishq

so pichhe haTte gae rasta diye gae hum

shikast o fath ke sab faisle hue kahin aur

misal-e-mal-e-ghanimat luTa diye gae hum

zamin farsh-e-gul-o-lala se sajai gai

phir is zamin ki amanat bana diye gae hum

duaen yaad kara di gai thin bachpan mein

so zaKHm khate rahe aur dua diye gae hum