sitare ki sajal jhilmil ke resham se bani main

sitāre kī sajal jhilmil ke resham se banī maiñ

hujūm-e-ḳhalq do ruuyā khaḌā hai aur chalī maiñ

ye jo sahrāoñ ke ab.aad āñkhoñ meñ khule haiñ

bagūloñ ko bhalī lagne lagī huuñ hijratī maiñ

maiñ sotī rah ga.ī bedār lamhe ke umuq meñ

koī ḳhvābīda saa.at thī ki jis meñ jāgtī maiñ

ka.ī sahrā the merī pyaas kī pahnā.iyoñ meñ

kisī dariyā ke taT tak aa ke phir vāpas muḌī maiñ

ye tum jo kesarī niilā ba-nafsī DhūñDte ho

tumheñ ye rañg mil sakte haiñ par merī hañsī maiñ

kisī rahrav meñ itnā dam nahīñ aa.e dham ko

pichhal piirī koī phirtī hai ḳhvāhish kī galī meñ

ye le kaarī ye girdā-e-ġhinā ye ahmarīñ sur

kisī ke hoñT ghul kar aa rahe haiñ bāñsurī maiñ

zarūrī thā ki dil ke pech-o-ḳham par aañkh paḌtī

patā terā bhalā logoñ se kaise pūchhtī maiñ

khanak uThtī hai rah rah kar mirī āvāz 'mahnāz'

bahut nam-sāz miTTī gūñdh kar shāyad banī maiñ

sitare ki sajal jhilmil ke resham se bani main

hujum-e-KHalq do ruya khaDa hai aur chali main

ye jo sahraon ke abaad aankhon mein khule hain

bagulon ko bhali lagne lagi hun hijrati main

main soti rah gai bedar lamhe ke umuq mein

koi KHwabida saat thi ki jis mein jagti main

kai sahra the meri pyas ki pahnaiyon mein

kisi dariya ke taT tak aa ke phir wapas muDi main

ye tum jo kesari nila ba-nafsi DhunDte ho

tumhein ye rang mil sakte hain par meri hansi main

kisi rahraw mein itna dam nahin aae dham ko

pichhal piri koi phirti hai KHwahish ki gali mein

ye le kari ye girda-e-ghina ye ahmarin sur

kisi ke honT ghul kar aa rahe hain bansuri main

zaruri tha ki dil ke pech-o-KHam par aankh paDti

pata tera bhala logon se kaise puchhti main

khanak uThti hai rah rah kar meri aawaz 'mahnaz'

bahut nam-saz miTTi gundh kar shayad bani main