ستارو تم نہ سو جانا ابھی کچھ رات باقی ہے

ستارو تم نہ سو جانا ابھی کچھ رات باقی ہے

ادھوری داستاں میری ہے اور کچھ بات باقی ہے

میں واپس جا رہا تھا مل کے ان سے بن کہے لیکن

مرے دل نے پکارا ٹھہرو ان سے بات باقی ہے

ہماری منزلیں اک ہیں جدا ہیں راستے بے شک

مگر نقش قدم ہر رہ گزر پر سات باقی ہے

پہنچ کر لیں گے دم ہم منزل مقصود پر ہمدم

یقیں کامل ہے یہ دل کو کہ اس کی ذات باقی ہے

ترنم بن گئی آواز میری جب بھی میں رویا

یہ تیرا ظرف ہے تو جانتا کیا بات باقی ہے

شب فرقت کی گھڑیاں گنتے گنتے عمر گزری ہے

سہارا کیا سحر دیتی کہ دل میں رات باقی ہے

فنا ہونا تھا اک دن سو فنا ہوتی گئی ہر شے

نہ یہ باقی نہ وہ باقی فقط اک ذات باقی ہے

سکون دل میسر ہو سعیدؔ اس شخص سے کیسے

ابھی تو آخری منزل پہ اس کی مات باقی ہے