ستارو تم تو سو جاؤ ہمیں دیوانے جاگیں گے

ستارو تم تو سو جاؤ ہمیں دیوانے جاگیں گے

شب فرقت میں بیگانے نہ جاگے ہیں نہ جاگیں گے

تمنا دل نوازی کی بالآخر رنگ لائے گی

تمہاری آرزو کر کے فقط مستانے جاگیں گے

نہ ساقی سے نہ ساغر سے نہ مے سے اور نہ مینا سے

فقط اک تشنگی کے دم سے ہی مے خانے جاگیں گے

ہوس جینے کی ہے جن کو نہ جاگیں گے وہ جیتے جی

جنہیں مرنے کا کھٹکا ہے وہی فرزانے جاگیں گے

گرا کر اشک آنکھوں سے نہ ہو رسوا زمانے میں

نہ یہ بیگانے جاگے ہیں نہ یہ بیگانے جاگیں گے