sitam hai apna kisi ne bana ke luT liya

sitam hai apnā kisī ne banā ke luuT liyā

mirī nazar se nazar ko milā ke luuT liyā

harīm-e-nāz ke parde meñ jo nihāñ thā kabhī

usī ne shoḳh adā.eñ dikhā ke luuT liyā

rahā na hosh mujhe us ke ba.ad phir kuchh bhī

kī jab kisī ne muqābil meñ aa ke luuT liyā

ajiib naaz se ulTī naqāb-e-ruḳh is ne

kī mujh ko rūh-e-munavvar dikhā ke luuT liyā

lo ham bhī aaj to 'tābāñ' fareb khā baiThe

kisī ne yūñhī mohabbat se jā ke luuT liyā

sitam hai apna kisi ne bana ke luT liya

meri nazar se nazar ko mila ke luT liya

harim-e-naz ke parde mein jo nihan tha kabhi

usi ne shoKH adaen dikha ke luT liya

raha na hosh mujhe us ke baad phir kuchh bhi

ki jab kisi ne muqabil mein aa ke luT liya

ajib naz se ulTi naqab-e-ruKH is ne

ki mujh ko ruh-e-munawwar dikha ke luT liya

lo hum bhi aaj to 'taban' fareb kha baiThe

kisi ne yunhi mohabbat se ja ke luT liya