sitam hai wo phir bad-guman ho raha hai
sitam hai vo phir bad-gumāñ ho rahā hai
pas-e-imtihāñ imtihāñ ho rahā hai
ḳhushī kyuuñ na ho qatl hone kī mujh ko
vo nā-mehrbāñ mehrbāñ ho rahā hai
tasadduq tujhī par zamīñ ho rahī hai
tujhī par fidā āsmāñ ho rahā hai
mujhe hichkiyoñ ne ḳhabar dī hai aa kar
mirā zikr jo kuchh vahāñ ho rahā hai
chalo sair kar aa.eñ jannat kī 'āshiq'
ajab kuchh tamāshā vahāñ ho rahā hai
sitam hai wo phir bad-guman ho raha hai
pas-e-imtihan imtihan ho raha hai
KHushi kyun na ho qatl hone ki mujh ko
wo na-mehrban mehrban ho raha hai
tasadduq tujhi par zamin ho rahi hai
tujhi par fida aasman ho raha hai
mujhe hichkiyon ne KHabar di hai aa kar
mera zikr jo kuchh wahan ho raha hai
chalo sair kar aaen jannat ki 'ashiq'
ajab kuchh tamasha wahan ho raha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
