sitam ka KHauf nahin hai alam ki baat nahin

sitam kā ḳhauf nahīñ hai alam kī baat nahīñ

rah-e-talab meñ kisī pech-o-ḳham kī baat nahīñ

visāl-e-yār kī ummīd bhī ajab shai hai

hazār ġham haiñ magar phir bhī ġham kī baat nahīñ

chalo ki mil ke madavā-e-ġham kareñ ham log

hai sab ko ek hī ġham besh-o-kam kī baat nahīñ

tumhārī zulf hai mumkin hai ḳhud sañvar jaa.e

tumhārī zulf meñ kuchh pech-o-ḳham kī baat nahīñ

sitamgaroñ pe in ashkoñ kā kyā asar hogā

hayāt-e-jehd hai kuchh chashm-e-nam kī baat nahīñ

sitam ka KHauf nahin hai alam ki baat nahin

rah-e-talab mein kisi pech-o-KHam ki baat nahin

visal-e-yar ki ummid bhi ajab shai hai

hazar gham hain magar phir bhi gham ki baat nahin

chalo ki mil ke madawa-e-gham karen hum log

hai sab ko ek hi gham besh-o-kam ki baat nahin

tumhaari zulf hai mumkin hai KHud sanwar jae

tumhaari zulf mein kuchh pech-o-KHam ki baat nahin

sitamgaron pe in ashkon ka kya asar hoga

hayat-e-jehd hai kuchh chashm-e-nam ki baat nahin