sitam ki rasmen bahut thin lekin na thi teri anjuman se pahle

sitam kī rasmeñ bahut thiiñ lekin na thī tirī anjuman se pahle

sazā ḳhatā-e-nazar se pahle itaab jurm-e-suḳhan se pahle

jo chal sako to chalo ki rāh-e-vafā bahut muḳhtasar huī hai

maqām hai ab koī na manzil farāz-e-dār-o-rasan se pahle

nahīñ rahī ab junūñ kī zanjīr par vo pahlī ijāra-dārī

giraft karte haiñ karne vaale ḳhirad pe dīvāna-pan se pahle

kare koī teġh kā nazārā ab un ko ye bhī nahīñ gavārā

ba-zid hai qātil ki jān-e-bismil figār ho jism o tan se pahle

ġhurūr-e-sarv-o-saman se kah do ki phir vahī tājdār hoñge

jo ḳhār-o-ḳhas vālī-e-chaman the urūj-e-sarv-o-suman se pahle

idhar taqāze haiñ maslahat ke udhar taqāzā-e-dard-e-dil hai

zabāñ sambhāleñ ki dil sambhāleñ asiir zikr-e-vatan se pahle

sitam ki rasmen bahut thin lekin na thi teri anjuman se pahle

saza KHata-e-nazar se pahle itab jurm-e-suKHan se pahle

jo chal sako to chalo ki rah-e-wafa bahut muKHtasar hui hai

maqam hai ab koi na manzil faraaz-e-dar-o-rasan se pahle

nahin rahi ab junun ki zanjir par wo pahli ijara-dari

giraft karte hain karne wale KHirad pe diwana-pan se pahle

kare koi tegh ka nazara ab un ko ye bhi nahin gawara

ba-zid hai qatil ki jaan-e-bismil figar ho jism o tan se pahle

ghurur-e-sarw-o-saman se kah do ki phir wahi tajdar honge

jo KHar-o-KHas wali-e-chaman the uruj-e-sarw-o-suman se pahle

idhar taqaze hain maslahat ke udhar taqaza-e-dard-e-dil hai

zaban sambhaalen ki dil sambhaalen asir zikr-e-watan se pahle