sitam-shiar zamane ne hausle na diye

sitam-shi.ār zamāne ne hausle na diye

rah-e-siyāh pe pheñkā magar diye na diye

bahut se vāqiye aise guzar ga.e haiñ ki jo

tire jamāl kī aadat ne dekhne na diye

hamāre baad mazār-e-vafā ko dekho to

kahīñ na phuul na ḳhushbū na tāqche na diye

judā.iyāñ bhī na pindār-e-dil miTā pā.īñ

ki rāste to diye dil ne vāste na diye

bhare jahān se chun kar mujhe muqaddar ne

jo chand log diye bhī to kaam ke na diye

sitam-shiar zamane ne hausle na diye

rah-e-siyah pe phenka magar diye na diye

bahut se waqiye aise guzar gae hain ki jo

tere jamal ki aadat ne dekhne na diye

hamare baad mazar-e-wafa ko dekho to

kahin na phul na KHushbu na taqche na diye

judaiyan bhi na pindar-e-dil miTa pain

ki raste to diye dil ne waste na diye

bhare jahan se chun kar mujhe muqaddar ne

jo chand log diye bhi to kaam ke na diye