sitam wo ahl-e-mohabbat pe Dhae jate hain

sitam vo ahl-e-mohabbat pe Dhaa.e jaate haiñ

galī se un kī janāze uThā.e jaate haiñ

nazar se merī chhupā kar tajalliyāñ apnī

zamāne bhar ko vo jalva dikhā.e jaate haiñ

tumhāre hijr ke qisse ye nāma-bar mere

ba-roz-e-hashr ḳhudā ko sunā.e jaate haiñ

huā ye hukm ki 'aasī jhukā.eñ sar apnā

ye roz-e-hashr hai 'āshiq uThā.e jaate haiñ

samā sake na jo donoñ jahān meñ yaaro

qasam ḳhudā kī vo dil meñ samā.e jaate haiñ

dikhā.ī detī hai tauhīd ab ke ḳhatre meñ

so tere naqsh-e-kaf-e-pā miTā.e jaate haiñ

mileñge vo hameñ jannat meñ soch kar 'haidar'

tasavvurāt meñ jannat sajā.e jaate haiñ

sitam wo ahl-e-mohabbat pe Dhae jate hain

gali se un ki janaze uThae jate hain

nazar se meri chhupa kar tajalliyan apni

zamane bhar ko wo jalwa dikhae jate hain

tumhaare hijr ke qisse ye nama-bar mere

ba-roz-e-hashr KHuda ko sunae jate hain

hua ye hukm ki 'asi jhukaen sar apna

ye roz-e-hashr hai 'ashiq uThae jate hain

sama sake na jo donon jahan mein yaro

qasam KHuda ki wo dil mein samae jate hain

dikhai deti hai tauhid ab ke KHatre mein

so tere naqsh-e-kaf-e-pa miTae jate hain

milenge wo hamein jannat mein soch kar 'haidar'

tasawwuraat mein jannat sajae jate hain